Unha manifestación de 60 000 persoas en Compestela. Dúas persoas queiman unha bandeira española: o titular non é que se manifestan 60 000 persoas, senón que se queima unha bandeira española, unha e non sesenta e mil bandeiras.
Unha manifestación de 60 000 persoas en Compostela. Tres persoas portan cartaces nas que a foto de Gloria Lago aparece sobre o epíteto “WANTED”. O titular non é que se manifestan 60 000 persoas, senón que “Los socialistas ponen la gasolina para quemar banderas españolas”.
Que un diario de difusión nacional como La Razón traia a plena portada unha foto da queima da bandeira de España e reduza a manifestación contra do decretazo de Feijoo a a un acto exclusivamente radical e filoterrorista é algo execrable e envelenador da xente española que non viva nin coñeza Galicia.
En certo portal de elevada influencia dentro da dereita máis intolerante e radical, califican o multitudinario alto coa frase "algarada étnico-lingüística", que rebosa mala baba. Non achegan cifras de asistencia (iso non o poden soportar), nin sequera lle chaman manifestación: limítanse a chamarlle “algarada étnico-lingüística”... Para eles non é unha manifestación de centos de miles de galegos, senón unha algarada que, para máis inri é étnico-lingüística, sintagma que me resulta difícil enxergar, pero que en todo caso me parece fondamente despectivo.
![](https://blogger.googleusercontent.com/img/b/R29vZ2xl/AVvXsEgtJYj2iBdwsHa-fmOaqj3IKDgVluLGt5T_3IopEIXltIe_9FcXbvomFcGM5qq91we_KUrV3eizj2j3A5S4ji_hftB4AEr4E_zNk-MUgZ8L5iFgN3-8I6Tq4rnX59S7kEhQoIrdymSc52E/s400/HO.jpg)
![](https://blogger.googleusercontent.com/img/b/R29vZ2xl/AVvXsEhqc3WLnEZuBCl2aeFQPzCKRWoZp-lhkcRwxep_bDoeJx92qFH4smZf7loM-99cjw3O1E_FYvcDs-8LuJxqVO04Xr5QmfrVcPyisPtMt7wDpKOqdR94F5qZd0rs-t1NVkSzY68GgOkg4Dw/s400/razon.jpg)
![](https://blogger.googleusercontent.com/img/b/R29vZ2xl/AVvXsEgUFZqdDX4CzH0KNLE5uOVUrzk67k4CW4cSrNerpQ2ELSI6OZKhCHfQPW1Pyba_h4z7SIuA6Zx2UObhZVsNEWPkwbDH86EPIyNpLyLRjIApX1AILV1lwujSO4Oe3Qdl7KTXPB1a4aQvkhk/s400/LBD.jpg)